NRK Meny
Normal

Geahča mo čáffadis muođuid ráhkada

Dál hállemasaide beassá son hárjehallat dan masa lea skuvllas oahppamin. Guokte koaffara ja pose dievva leat vuoidasat ja ávdnasat maid dárbbaša.

Ina Tretnes ráhkada halloween háma NRK Sámi oahpahallái Live Varsii

ISSORAS: Ná šaddá go Ina Tretnes ráhkada halloween amadaju NRK Sámi oahpahallái Line Alette Bjørnback Varsii.

Ina Tretnes (24) áigu čájehit mo hállemasáiggi sáhttá vuoidat muođuid. Son lea ovdagihtti jo smiehtadan makkár hápmái galgá ráhkadit dan olbmo gean áigu vuoidat.

Ina Tretnes

NUORRAN JO: Ina Tretnes beroštišgođii efeaktavuoidamis jo nuoraidskuvlla áiggi.

Foto: Privat

Áddjás bargu

Dákkár vuoidan maid Ina lea oahppamin lea áddjás bargu. Dušše vuoidan ádjána 2-3 tiimma. Dasa lassin vel ádjána ráhkadit buot ávdnasiid mat adnojiit.

Guhkes beaivvi ádjánii rahkadit čorvviid maid áigu bidjat NRK Sámi oahppahallái Linii.

Effektsminke

BOARES ÁDDJÁ: Dá oainnat mo maiddái sáhttá vuoidat.

Foto: privat

– Mun lean dákkár vuoidamis beroštan jo dalle go vázzen nuoraidskuvlla. Mun álgen dalle jo eksperimenteret ráhkadit efeavttaid, dadjá Ina.

– Mun liikon efeaktavuoidamii go ferte leat nu dárkil, pirkete. Ii galgga oidnot ahte lea ráhkaduvvon ovddamearkkadihtte čoarvi.

Máilbmái

Ina áigu dáinna vuoidamiin álgit bargat. Danne lea lohkamin bachelora Westerdals Oslo ACT:s mii lea dáidda, gulahallan ja teknologálaš állaskuvla. Son lohká alddis leat ollu válljenvejolašvuodaid go geargá skuvllas. Sihke teáhteris, Tv:s ja filmmain dárbbašit olbmuid mat máhttet geavahit spesial-efeavttaid.

Tenner av effektsminke

ALBMA?: Dáid bániid lea Ina ieš ráhkadan.

Foto: privat

Mun jáhkan álgit bargat Tv:s dahje filmmain go doppe dárbbašit eanemusat diekkár erenomáš vuoidamiid. Álggán Norggas, ja de beassá oaidnit gosa máilbmái de manan, lohká Ina.