Geahča buot Sámi Grand Prix lávlagiid ja luđiid dás

Guhtta lávlaga ja guhtta luođi gilvaledje beassášlávvordaga Sámi Grand Prix doaluin Guovdageainnus, mat sáddejuvvoje njuolga NRK1:is.

Deatnulaččat Mihka Helander ja Andreas Gundersen faskiiga buot eanemus jienaid gollefinálas, ja vuittiiga lávlunoasi lávlagiin «Ale guođe mu».

– Lávlla lea ráhkisvuođa birra. Letne Andreasin geahččalan ráhkadit dakkár jaskes lávlaga maid olbmot sáhttet guldalit váikko goas, dadjá Mihka Helander.

Helander lei vuosttaš geardde mielde Sámi Grand Prix gilvvus, ja sus eai leat bálljo sánit maŋŋel go vuoitu lea sihkkaraston.

– Lean nu rámis go mun ja Andreas čužžo pokálain dás odne, ledje nu olu nanu oaseváldit mielde gilvvus, buohkat livčče ánssášan vuoitit.

Gundersen gal diibmá jo beasai gilvalit gitta gollefinálas go lei mielde Sámi Grand Prixas SOÁ- joavkkuin

– Diibmá bođiimet nuppi sadjái, muhto dál čuožžut dáppe pokálain, dat lea áibbas hávski, dadjá Gundersen.

Nuppes jo vuoitán

Saara Hermansson, Stornäsas Västerbottenis eret , fas vuittii juoiganoasi luđiin «Goeksige» , mii lea guovssaha luohti.

Lea nuppes go Hermanson vuoitá Sámi Grand Prix. 2019 vuittii son lávlunoasi lávlagiin «Mov laavlome».

– Mun lean áibbas guoros, in dieđe maid galggan dadjat. Dál šaddá albma feasta ja beasan pokála váldit mielde ruoktot iežan ovttasássi lusa, dadjá Hermansson.

Son lea hui rámis go beasai ovddidit lulli sámi luođi sámi deháleamos musihkka gilvvus.

– Das lea stuora mearkkašupmi munnje, gii in leat bajásšaddan ollásit iežan lullisámi árbbiin, go dat lei jávkan. Munnje lea hui stuoris dáppe odne ovddastit lulli sámi vuolie, dadjá Hermansson.

Geahča buot lávlagiid ja luđiid dás:

Lávlunoassi:

• Yungmiqu ja Jezebro - Cokka gávtti:

• 

• Linus Johnsen - Cezoset Hilat:

• 

• Aili – Duostil:

• 

• Mihka Helander og Andreas Gundersen - Ále guođe mu

• 

• Máret Áile – Ráhkis Hoavda

• 

• Elin Oskal – Lusa

• 

Juoiganoassi:

• Saara Hermansson – Goeksege

• 

• Iŋgor Nilá - Nils Johan Pedar

• 

• Heli Aikio – Piekâgandâ

• 

• Anders Isak Oskal - Sárá Máijá

• 

• Astrid Tuorda – Unnaviellja

• 

• Nils Johan Gaup - Lise Merethe

•