NRK Meny

Geaŧkebivdu gilláriin ja skohteriin

Olgešbellodaga gulahallanolmmoš boraspireáššiin, Eirik Milde, háliida álkidahttit vejolašvuođa geŧkkiid bivdit gilláriin.

– Mii doaivut ahte dán dálvvi juo ásahuvvo geahččalanordnet, mas lea álkkibut oažžut lobi geŧkkiid bivdit gilláriin ja fuođđokamerain. Galgá vel leat vejolašvuohta skohteriin bearráigeahččat gillára.

Borgemánu 15. b. rádjai lei 1/3 unnit sávzzat goddon boraspiriide Norggas, diimmá ektui. Unnit bohccot leat maid goddon.

– Muhto dát lea uhccán jeđđehus boanddaide ja badjeolbmuide, geat dán jagi liikkáge leat massán eanet elliid, dadjá Milde.