Korte nyheter

  • Balto árvaluvvon Sáddehatráđđái

    Guovddášbellodat lea árvalan kárášjohkalačča Anne Toril Eriksen Baltto Sáddehatráđđái, ja leat maiddái árvalan Martin Søberga ja Jan Bøhlera.

    Stuorradiggi nammada logi lahttu Sáddehatráđđái, ja Guovddášbellodat beassá árvalit golbmasa. Ráđđehus nammada njeallje lahttu. Okta lahttu lea Sámi prográmmaráđi jođiheaddji. Ja nu šaddet de guokte sápmelačča Sáddehatráđis.

    Anne Toril Eriksen Balto
    Foto: Monica Falao Pettersen / NRK
  • 29 ođđa koronanjoammuma Budejjus

    Maŋimuš jándoris lea duođaštuvvon 29 ođđa koronanjoammuma Budejjus. 26 njoammuduvvon olbmos sáhttet guorrat gos njoammun lea vuolgán, ja golbmasis eai dieđe. Dat lea dat alimus lohku mii lea duođaštuvvon ovtta jándoris Budejjus. Nu muitala Budejju gieldda dearvvašvuođajođiheaddji Stian Wik Rasmussen.

    Bodø sett fra turisthytta
    Foto: Benjamin Fredriksen / Ola Helness / NRK
  • Gustafsdotter ođđa sámeministtar

    Ruoŧa stáhtaministtar sosiálademokráhtaid Magdalena Andersson almmuhii otne ođđa ráđđehusas. Ođđa kulturministtar lea 55-jahkásaš Jeanette Gustafsdotter. Gustafsdotter lea olu bargan mediaáššiiguin ja maŋimuš lea son bargan Ruoŧa museaid váldodirektevran. Son lea maiddái jurista ja lea spesialiseren media- ja vuoiŋŋalaš vuoigatvuođaide. Nu čállá Oddasat.se.

    Sveriges kulturminister
    Foto: Emma Svensson / Sveriges museer