Gazzá juridihkaoahppu vai beassá bargat sámi rivttiid ovddas
Aili Kristine Eira neaktá nuorra sápmelačča guhte rahččá sámi rivttiid ovddas «Vi lover et helvete» TV-ráiddus maid NRK lea ráhkadan. Aili lea dál gazzamin juridihkaoahpu ja lea maiddái boazosápmelaš.
«Vi lover et helvete» TV-ráidu govvida álgoálbmogiid dáistaleamiid industriija huksemiid vuostá. Ja dán vahkos lei Aili guossin Lindmos, gos son muitalii makkár čuolmmaid son vásiha Finnmárkkus go lea boazosápmelaš.
Aili muitala ahte maiddái sin orohagas leat vásihan sisabahkkemiid. Son lohká ahte sis lea leamaš lihkku danin go sin orohat ii leat vásihan nu olu sisabahkkemiid. – Muhto lei ovtta gaskka goas bieggáfápmorusttegat ledje plánejuvvomin, ja dat rusttegat livččejit bilidan min ovddas. Muhto lihkus loahpahuvvojedje dát plánat jođánit, lohká Aili.
Son muitala maiddái ahte sus lea álo ballu, goas dal de bohtet sisabahkkemat.
– Ii leat dušše ovtta sisabahkkema geažil, muhto ollislaš govva. Ruvkedoaimmat, bieggafápmorusttegat, geainnut, rusttegat, barttat ja trafihkka luonddus, lohká Aili.