– Lohken ahte dat ii leat duohta, vuolgge mielde. Dutkit eai astan gáfestallat ge, leaikkastallá Klemet Turi.
Son ofelasttii dutkiid Kárášjohsisa 6 jagi áigi. Mihttun lei gávdnat ealli skálžžu Finnmárkku sáivačázis. Go Turi ja biologat ohcagohte skálžžuid, de ii mannan eará go sullii 10 minuhta ovdalgo gávdne dan vuosttaš ealli skálžžu. Dalle sis buollái mokta ja illu.
– Sii ledje nu ilus go gávdne ealli skálžžu, go lea 40 jagi dan rájes go galge leat jápmán dát skálžžut, čilge Turi.
Biologat ja dutkit ledje árvvoštallan ahte jagi 1937 rájes eai leat šaddan skálžžut Finnmárkku sáivačáhcái. Dál sáhtte dutkit mihtidit, váldit iskosiid ja govvidit ealli skálžžu. Sullii 30 skálžžu gávdne dutkit ja Turi oanehis bottas.
Dál dihtet ahte sihke Ohcejogas ja Kárášjogas leat ealli skálžžut.
Ovdalaš áigge láveje ohcat bearraliid skálžžuid siste. Sáivačáhceskálžžut leat dál ráfáiduhtton, nu ahte dat ii leat šat lobálaš hommá.
– In mun ávžžut ovttage ohcat bearraliid skálžžuid siste, sáhtát gurret buot skálžžuid jogas, itge gávnna ovttage bearrala.
Dutkit válde nuppi beali skálžžus.
Foto: Anne Marie HættaMakkár ávki lea skálžžus johkii, ja mo lea skálžžu eallin? Gulat dás maid Klemet Turi diđii muitalit dan birra:
