NRK Meny
Normal

Gávdnui duššan

Duššan olmmoš, gii ikte eahkedis gávdnui Guovdageainnu suohkanis, lea Anders Nils Sokki (48).

Skal hente ned den omkomne fra vidda

Duorastateahkeda gávdnui olmmoš duššan Juzejávrri lahka Guovdageainnu suohkanis. Dát lea Geašjávrri lahkosiin gosa olmmái vulggii guollebivdui mánnodaga geassemánu 30. beaivvi.

Foto: Berit Solveig Gaup / NRK

Nu duođašta Oarje-Finnmárkku politiija guovllu operašuvdnajođiheaddji Magnus Siljehaug dál iđđedis.

Ohcan lávvordat rájes

Mannan vahkkoloahpa rájes dat leat ohcan Sokki, gii lei dieđihuvvon láhppon maŋŋel go ii boahtán ruoktot guollebivddus.

– Son gávdnui Juzejávrri lahka ja politiijat mearriditotne ahte gáibidit go su obduserejuvvot, lohká operašuvdnajođiheaddji Asgeir Aule NRK Sápmái bearjadat iđida.

Politi fra Alta ankom Kautokeino i kveld

Politiijabálvvat šadde Álttás boahtit.

Foto: Berit Solveig Gaup / NRK

Politiijat eai navdde makkárge rihkkosiid čatnasan dán áššái

Lagas olmmoš gávnnai

Lei lagas olmmoš gii dieđihii ahte olmmoš lei gávdnon duššan ja duođaštii politiijaide ahte dat lei Anders Nils Sokki.

Duorastateahkeda ovdalaš gaskaija manne guokte politiijabálvva ja guovttes Guovdageainnu Rukses Ruossas dán báikái viežžat vulos su.

Politi og Røde Kors studerer kartet

Politiijabálvvat ja Rukses Ruossa geahčadit kártta ovdal go dolleje Juzejávrái.

Foto: Berit Solveig Gaup / NRK