Gávdne láhppon dievddu Deanus

Politiijat dieđihit ahte sii leat gávdnan badjel 30-jahkásaš dievddu gii lea leamaš jávkosis sotnabeaivve iđida rájes.

Leteaksjon i Tana
Foto: Tor Emil Schanche / NRK

Politiijat dieđihit Twitteris ahte sii leat gávdnan dievddu muhtun barttas Álletnjárggas, Deanu gielddas.

Laster Twitter-innhold

– Bohtosat dás orrot leame hui buorit, lihkus. Son gávdnui ovdalaš diibmu čieža barttas Álletnjárgga guovllus, Deanus. Son lei galbmon go lea leamaš olgun sotnabeaivve iđida rájes. Mii sávvat dat manná bures, dadjá Finnmárkku politiijaguovllu operašuvdnajođiheaddji Jan Olav Schjølberg NRK:i.

Gájui iežas heakka

Dievdu oidnui maŋemus dalle go guđii viesu Álletnjárggas sotnabeaivve diibmu 05.00 áigge.

Sihke Siviilasuodjalusa ja Rukses Ruossa olbmot leat vácci ohcan dievddu.

– Mii jáhkkit son lea gádjon iežas heakka go lea mannan bartii. Jus son ii livčče beassán bartii, de son ii livčče birgen, go dál lea dan muttos dálki ja galmmas olgun, dadjá Schjølberg.