Lei árrat otne bearjadat iđida,Australia áiggis, go politiijaide bođii diehtu ahte gávcci máná leat gávdnon goddon, muhtin ruovttus Cairns gávpogis.
Čiežas leat oappážat ja vieljažat ja gávccát lea fuolkemánná.
Lei mánáid stuorra viellja, 20 jahkásaš, gii fuomášii dán ilgadis dáhpáhusa ja dieđihii politiijaide.
Mánáid eatni lea roasmmohuvvan
Go politiijat bohte vissui, de gávdne mánáid eatni hávváduvvon ja son lei maid čukkohallon. Eadni lea sáddejuvvon buohccivissui.
Politiijat eai dieđe gos mánáid biebmoáhčči lea ja ohcet su.
Garrasit čuohcan olles álbmogii
Australia mediat dieđihit dál- ahte dát bearaštragediija mii lea dáhpáhuvvan lea garrasit čuohcan olles álbmogii.
Bearaš lea Aborigiinna álgoálbmogat
Mediat muitalit ahte bearaš lea Aborigiinna álgoálbmogat.
Mánáideatni oarpmealle lea dál aiddo addán jearahallama Daily Telegraph aviisii ja duođašta ahte sin čearda gillá dán ilgadis dáhpáhusas ja sin stuorra bearaš lea dál čoahkkanan.
- Guldal ášši: