Gaskasaš riiddut joatkašuvvet
Romssa fylkkas, Sárevuomi čearu ja Bearddu suohkana gaskasaš riiddut joatkašuvvet. Romsa fylkamánni lea dal mearridan čađahit Beardu suohkana mearrádusa, namalassii ahte guokte bartta maid čearuolbmot leat huksen galget gaikkoduvvot ovdal juovlamánu 15. beaivve. Sárevuomi bozosápmelaš Olle Nutti oamasta nuppi bartta - muhto son gal ii gaikkut bartta, son áigu baicca duopmostullui doalvut ášši.