Garvigohtet háhkamis advokáhta veahki

Dál go Sis-Finnmárkku riekteveahkkekantuvra heaittihuvvo, de ballet advokáhtat ahte sápmelaččat garvigohtet viežžamis advokáhta veahki.

F.v: Bistandsadvokat Gisle Loso, Trond Biti og Hilde Stærk.

Advokáhtat ballet ahte sápmelaččat garvigohtet viežžamis advokáhta veahki.

Foto: Nils Henrik Måsø / NRK

Giella sáhttá dagahit dán váttisin, muhto maiddái go dát bálvalus lea divrras.

Ii doaivvo riektesihkarvuohta boahtá hedjonit

Nils Utsi, gii ovddasta advokáhttafitnodaga Per A. Amundsen AS. Oaivvilda goitge ahte son ii doaivvo sápmelačča riektesihkarvuohta boahtá hedjonit go Sis-Finnmárkku riekteveahkkekantuvra heaittihuvvo. Ágga dasa lea go gávdnojit olu sámegielat juristat mat maid sáhttet veahkehit.

Ii leat šat dárbu

Justiisa- ja gearggusvuođadepartemeantta dadjá ahte riekteveahkkekantuvrii ii leat šat dárbu, go sámegielat advokáhtat leat lassánan. Dán rádjai lea NRK Sápmi gávdnan njealje sámegielat advokáhta, golbma Finnmárkkus ja okta Troandimis.

– Váttis diehtit bohtet go heaittiheamis stuora váikkuhusat

Gisle Loso, gii lea okta dain njealji sámegielat advokáhtain, dadjá ahte lea váttis diehtit bohtet go dán heaittiheamis stuora váikkuhusat. Loso dadjá ahte dát kantuvra attii hálbái riekteveahki, muhto jus advokáhtta galgá meannudit leago áššiin veara bargat de dat sáhttá šaddat badjel golmma geardde divrasit. Ja dáinna lágiin sáhttá čuohcat sápmelačča riektesihkarvuhtii. Muhto muđui oaivvilda ahte sámegielat advokáhtat nagodit gokčat dálá dárbbu.
Utsi fas lea eará oaivilis

  • Guldal olles ášši:
Njealje samegielat advokahta Norggas