Gártet ain guhkit vuordit

Finnmárkokommišuvnna «eana- ja čáhcevuoigatvuođaid» kárten fylkkas sáhttá ádjánit logi jagi guhkit go dárbbašlaš. Nu lohká kommišuvnna jođiheaddji, Jon Gauslaa. Eanet ruđain ledje sáhttit dárkkistit eanet guovlluid, muhto otná ruhtadiliin de sáhttet finnmárkulaččat gártat vel 20 jagi vuordit dassážii go gerget čielggadit vuoigatvuođagažaldagaid.