Gárreoaivvis vuodján
22 jahkásaš biilavuodji bissehuvvui odne iđit Álttás. Dievdu várohuvvo vuodján gárrenoaivvis ja lea áššáskuhttojuvvon.
Korte nyheter
-
Ođđa vejolašvuođat rahpasan jorgalit sámegielaid gaskka
Dál sáhtát jorgalit guđa sámegiela gaskka ja maiddái eaŋgalasgielas ja dárogielas sámegielaide ja nuppe guvlui. Jorgalanprográmmas leat davvi-, julev-, mátta- anáraš- ja nuortalašsámegielat.
Tartu universitehta Dihtordutkaninstituhta dutkit leat dahkan dán vejolažžan. Dán čovdosis leat oktiibuot 23 suomaugralaš giela.
Dát jorgalanvuogádat lea rabas buot geavaheddjiide ja prográmmagálvu ja mállet leat rabas gáldut.
Grafikk: Tartu universitet -
Ráđđehus vuolida luossavearu 35 prosentii
Ráđđehus árvala 35 proseantta vuođđoreantovearu Norgga mearradollui. Gulaskuddanárvalusas lei 40 proseanta. Luossavearru lea garrasit moitojuvvon guolástusealáhusas ja riddoservodagain gos lea guollebiebmandoaimmat.
– Mii leat guldalan vuostecealkagiid. Mii deattuhat ahte dát ortnet galgá sihkkarastit ealáhus ahtanuššá, seammás go oassi mearradoalloealáhusa vuođđoreanttus galgá buohkaide buorrin, dadjá stáhtaministtar Jonas Gahr Støre.
Bealli vuođđoreantovearu dietnasis galgá mannat gielddaide.
-
Čáhcesullolaš birgetmeahttun snocross-gilvvuin
Malene Trosten Cottew lea birgetmeahttun Amsoil-gilvvuin Amerihkás. Mannan vahkkoloahpa son fas vuittii Cannonsburggas Mihciganas.
Amsoil snocross meašttirgilvvut leat gávcci vahkuloahpa ja guokte vuodjima juohke vahkuloahpa.
Dál ii leat vel go okta gilvu vuodjit Amsoil-gilvvuin ja Trosten Cottew lea vuoittubeale 604 čuoggáin. Taven Woodies, guhte lea nubbin, lea 552 čuoggá.
Foto: Privat
