Garrasat gáibádusaid Nussirii
Birasdirektoráhta bidjá seamma biraseastadangáibádusaid Nussirii jos reastaluvvá go Sydvaranger Gruvii ge. Maŋŋil go Sydvaranger Gruve reastaluvai, de leat doabbarat, váralaš kemikálat ja nuoskiduvvon massát báhcán doaibmasadjái, go ii leat ruhta čorget birrasa. Luonddugáhttenlihttu oaivvilda ahte fertešedje oahppat Sydvaranger Gruve reastaluvvamis, ja nu bidjat garrasat gáibádusaid Nussirii.