Vibeke Larsen lávvardaga ahte son geassáda Sámedikki presideantan, muhto sotnabeaivái lei son rievdadan oainnus, ja dieđihii ahte son joatká presideanttain, muhto son eretbidjá várrepresideanta, Ronny Wilhelmsena.
Bargiidbellodat šattai ođđasit čađahit nominašuvdnačoahkkima maŋŋil go dalá presideantaevttohas Helga Pedersen geassádii sihke listta- ja presideanttaevttohassan.
- Loga maiddái:
Ovttasbargoguimmiid rávvagat
‒ Mun rievdadin oainnu maŋŋil ledjen ságastallan ovttasbargoguimmiiguin Sámedikkis, dadjá Vibeke Larsen.
- Loga dán maiddái dárogillii:
Ovttasbargoguimmiid vástádus lei nu čielggas go dadjá ahte sii eai leat válljen Bargiidbellodaga presideantan, baicca su, dadjá Vibeke Larsen. Sin čielga ráva lei ahte son joatká presideantan muhto ii Bargiidbellodaga miellahttun, dadjá Larsen.
- Les:
Spižá leat ieža láhčen
Bargiidbellodaga válgalávdegotti jođiheaddji, Tom Kappfjell, dadjá ahte Bargiidbellodaga sámediggejoavku lea ieš láhčen alcces dan spižá mii dál sin givssida.
‒ Mun gal in oainne earáid geaidda son sáhttá duvdit siva. Vibeke Larsen han ieš lea leamašan njunnošis hábmemin dan vuođu mainna dal giksašuvvet. Ja danin son ieš ferte guoddit ovddasvástádusa, dadjá Tom Kappfjell.
‒ Jus Bargiidbellodaga Sámediggejoavku livččii čuvvon dan maid Bargiidbellodaga nominašuvdnačoahkkin lei mearridan, de eai livčče dálá diliin giksašuvvat, dadjá Kappfjell.
Ii dieđe maid jienastit
Tom Kappfjell dadjá ahte dálá dilli lea dagahan ahte vel songe álgá eahpidit maid dál galgá jienastit boahtte sámediggeválggaid čakčat.