Hopp til innhold

Gámagoarrun šaddan álkibun

Jiehkku ja neaskinfiellu oažžu rádjat, go dál leat mašiinnat maiguin cuoccaid fidne eret gápmasiin. Ánne Biret Anti geavaha alladeattacirggona luvvet gápmasiin cuoccaid.

Jiehku ja neaskinfiellu oažžu rádjat, go dál leat mášiinnat maiguin cuoccaid fitne eret gápmasiin.

MÁŠIIDNANEASKIN: Ánne Biret Anti bargá dál geahppaseabbot go ovdal, mášinvehkiin. Govva Ánne Olli

Jahki ii leat jagi gáibmi, nu dat lávejit dadjat, go eai duodjebarggutge leat seammaláganat go ovdal. Dál ii dárbbaš šat geavahit návccaid neaskit gápmasiid, go dál leat hutkan ođđa vugiid mo cuoccaid luvve gápmasiin. Dieidda bargguide leat dál moattelágan mašiinnat, dás Ánne Biret Anti geavaha alladeattacirggona.

Olggiid ja gieđaid seastá

Dál go neaskin lea šaddan álkibun, de seastá olmmoš olggiid ja gieđaid, ii dárbbaš čohkkát máŋggaid diimmuid guvrut neaski fiellu alde ja neaskit. Dál neaskila son nuppelot gottora oanehisáiggis, ovdal lea geavahan máŋggaid diimmuid neaskit ovtta gottora.

Gámagoarrun lea rievdan buoret beallái

Sihke Ánne Biret Anti ja Karen Somby lohkaba bargguid leat rievdan. Neaskinmašiinnat leat geahpedan losimus barggu. Osten lea nai rievdan, dasa ge lohkaba gávdnot eará vuogi go ahte ruvvet gápmasa njealljagoantái láhttis. Dál gávdno stuora lihtti gosa bidjet gápmasiid ostejuvvot. Dákkáraš ii leat vel Kárášjoga duodjedálus.

Eai dán áigge šat geavat suonaid goarrumii

Dál geavaha Karen Somby váseden gámagoarronárppu go goarru gápmagiid

Dál geavaha Karen Somby vásedin gámagoarronárppu go goarru gápmagiid.

Foto: Anne Olli

Dán áigge eai šat dárbbaš botnit suonaidge, go dál gávdno vásedin árpu mainna gorrot gápmagiid ja eará náhkkedujiid. Go vel mašiinnainge sáhttet goarrut, earret eará náhkkegahpiriid ja gámaruodjasiid.

Gámágoarrun lea šaddan olu álkibun, ii dárbbaš ii suonaige botnit.

GOARRONÁRPU: Karen Somby ii šat bone suonaid, son goarru fábrihkká árppuin. Dat lea nanus. Govva Ánne Olli

Publisert

Mer fra NRK Sápmi

Korte nyheter

  • Ođđasat - Davvisámegillii

    Suodjalus guođđán ruskalána álbmotmeahccái: – Hui fasti oaidnit

    Jođidettiin ealuin davás lei Johan Mathis Kemi bohccuid vuodjimin vuomis go gávnnai ruskkalána Rávttošvuomi álbmotmeahcis, Rávttošjár-guotkkus.

    Altaposten muitalii áššis vuosttažin.

    – Dáid gal in livčče goasttadan mielde obanassiige. Mus ledje guokte reaga maŋis, muhto dáid in livčče gal goastadan mielde. Dat lei nu olu, dadjá Kemi NRK:i.

    Kemi oaččui veahki Stig Arvid Kristensenis, gii lei oaggunmátkkis dien guovllus.

    Čearganis ledje earret eará borramušbázahusat ja bruvsa- ja vuollaburkkit. Sihke olles ja guoros diŋggat, muitala Kemi, ja bensinlihtit vaikko man galle.

    – Ii han dat lean dušše okta, iige dušše guokte. Mii gaikkuimet logenáre. Eat mii nagodan visot gaikut dán ruovdecugŋos. Mii gal attiimet vuollái.

    Suodjalusa operatiiva váldoguovddáža korporála, Johnny Karlsen, duođašta NRK:i ahte ruskkat leat báhcán Nato-soahteahárjehusas, Nordic Responses. Hárjehus nogai badjelaš mánu dás ovdal. Karlsen mieđiha ahte rutiinnat eai leat doaibman.

    – Deháleamos lea ahte mii čorget min iežamet maŋis, ja nu johtilit go vejolaš, dadjá Karlsen.

  • Ođđasat - Davvisámegillii

    Aasland lea oadjebas ahte ii šatta ođđa Fovse-ášši Hámmerfeasttas

    Terje Aasland lea oadjebas das ahte buot bealit, maiddái juridihkalaš bealit areálasisabahkkema oktavuođas mii boahtá ođđa el-fápmolinjá geažil Hámmerfestii, leat čielggaduvvon, čállá Altaposten.

    Konsešuvdna lea addojuvvon, ja vaikko boazodoallu ja Sámediggi leat váidalan ja vuosttaldan dan, de válljii Energiijadepartemeanta addit Statnettii ovddalgihtii lobi. Dat mearkkaša ahte álggahit barggu ovdalgo vuoigatvuođat leat čielggaduvvon.

    Dát lea ollugiid mielas njuolggo parallealla Fovse-áššái, mas bieggaturbiinnat ledje jo ceaggámin go Alimusriekti gávnnahii ahte dat lei olmmošvuoigatvuođarihkkun.

    – Finnmárku dárbbaša infrastruktuvrra, elfápmolinjáfierpmádaga mii sáhttá guoddit fámu, leš dal dat bieggafápmoprošeavttas, gássafápmorusttegis mas lea CO2-hálddašeapmi ja vurken, dahje eará lágan fámus, ovdamearkka dihtii čáhcefámus. Elfápmolinjáfierpmádat lea geađgejuolgi ođđaáigásaš servodagas. Dasa ferte maiddái Finnmárku beassat, čilge energiijaministtar Terje Aasland (Bb) Altapostenii.

    Olje- og energiminister Terje Aasland (Ap) i Dubai under klimatoppmøtet COP28.
    Foto: Truls Antonsen / NRK
  • Nyhetssenter Troms og Finnmark

    Krever egen distriktskvote

    Fiskerne i Vardø ba Trygve Slagsvold Vedum om en egen distriktkvote da finansministeren besøkte fiskeværet på mandag.

    Fiskere i åpen gruppe, de som har fiskebåter under 11 meter, har mistet rundt halvparten av kvota i år - sammenlignet med i fjor.

    Og signalene er at kvotene må reduseres ytterligere i årene framover.

    Det slår hardt ut for Vardø der store deler av fiskeflåten er i åpen gruppe.

    Leder for Vardø fiskarlag, Frode Robertsen, frykter fraflytting.

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen