– Dat fertešii leat gáibádus ahte sii geat galget guorahallat dáruiduhttima váikkuhusaid máhttet sámegiela ja kvenagiela, dadjá Norgga Sámiid Riikasearvvi (NSR) jođiheaddji Beaska Niillas, preassadieđustis.
Beaska Nillas lea NSR:a jođiheaddji. Son imašta manin ii leat gáibádus máhttit sámegiela jus galgá bargat duohtavuođakommišuvnnas.
Foto: Robin Mortensen / NRKSon lea hirpmástuvvan go Stuorradiggi ja Tromssa Universitehta ii gáibit ahte Duohtavuođa- ja seanadankommišuvnna čállingottis ii gáibiduvvo máhttu sámegielas ja kvenagielas. Kommišuvnna bargu lea áiddo guorahallat dan garra dáruiduhttin politihkka maid Norgga stáhta čađahii sápmelaččaid ja kvenaid vuostá.
– Dasa lassin berre čállingottis leat buorre máhttu maiddái sámi ja kvena kultuvrras, oaivvilda Beaska Niillas.
Bargu álmmuheamis gáibiduvvo buorre njálmmálaš ja čálalaš dárogiella gelbbolašvuohta. Sámegiella ja kvenagiella lea namuhuvvon ovdamunnin.
– Heajos álgu
NSR:a jođiheaddji mielas lea dát heajos álgu dan bargui maid kommišuvdna galgá čađahit.
– Dát ii leat mielde nannemin luohttevašvuođa mii lea dárbbašlaš go dát dehálaš
HEARKKES MUITTUT: Norgga Kvenaid Searvvi jođiheaddji Hilja Huru dadjá ahte ollosiidda boahtá leat hearki muitalit dáruiduhttima birra, ja danin lea giella- ja kulturmáhttu erenoamáš dehálaš.
Foto: Eskild Johansen / Norske Kveners Forbundguorahallanbargu galgá čađahuvvot, dadjá son.
Norgga Kvenaid Searvvi jođiheaddji Hilja Huru oaivvilda ahte lea dehálaš ahte čállingoddi sáhttá buoremus vuogi mielde gulahallat singuin geainna áigut gulahallat.
– Kvenagiella ja sámegiella leat ge dat gielat mainna dat olbmot geainna kommišuvdna galggašii gulahallat leat eanemus oadjebasat, dadjá Huru preassadieđustis.
Soai háliideaba ahte bargu almmuhus rievdaduvvo.
Eai háliit gáržudit almmuhusa
Muhto rievdadit almmuhusa ii leat bargoalmmuheaddji mielas buorre jurdda.
– Mis lea áddejupmi ahte dákkár gažaldagat jerrojuvvot, muhto dán vuoru lei nu ahte dás lea sáhka lossa ja moalkás barggus. Dan dihtii lea dehálaš ahte čállingoddái dárbu olbmuide geain lea hui alla gelbbolašvuohta, čállá Stuorradikki seniorráđđeaddi Bjørn Arne Steine NRK:i.
Son dadjá ahte jus livččet bidjan gáibádusa máhttit sámegiela dahje kvenagiela de livččet unnit ohccit, ja de maid unnit válljenmunni.
– Muhto lea ovdamunni ohccái jus ohccis lea dát giellagelbbolašvuohta, dadjá Steine.
Čállingottis boahtá maid leat vejolašvuohta olgguldas bargiid go lea dárbu bargiide geain lea sámegiel dahje kvenagiel gelbbolašvuohta, sihkkarastá son.
