NRK Meny
Normal

Gákteriidu facebookas

Samiske kofter/Gákti soaitá leat okta dain stuorimus ja bivnnuheamos sámi joavkosiiduin Facebookas. Muhto eai buohkat beasa leat miellahttun, ja leat bálkestuvvon eret joavkkus. Ođđa gáktesiidu lea ilbman.

barn i kofte, samebarn

Lea šaddan gárra digáštallan dan ođđa gávttit/gákt'er FB-joavkosiiddus go muhtimat leat bálkestuvvon miellahttun Samiske kofter/Gákti oasálastimis. Sii čuvvot njuolggádusaid, danne leat ferten sihkastit meillahttuid go eai čuovo njuolggádusaid lohká joavkku eadni, Kirsti Irene Johnsen.

Foto: Dan Robert Larsen / NRK

Samiske kofter/Gákti Facebook-siidu lea bálkestan miellahttuid. Ođđa gávttit/gákt'er joavku ilmmái guokte vahkku áigi. Gávttit/gákt'er siiddu ásaheaddji lea ieš bálkestuvvon miellahttun dan nuppi siiddus.

Njuolggádusat vuođđun manne olbmot eai dohkehuvvo siidui

Kirsti Irene Johnsen

Samiske kofter/Gákti facebook-siiddu eadni, Kirsti Irene Johnsen muitala ahte sii leat šaddan sihkastit muhttin miellahttuid eret iežaset joavkosiiddus, go eai leat čuvvon njuolggádusaid. Muhto man olu, dan ii dieđe Johnsen gal.

Foto: Privat

Samiske kofter/Gákti siidu ilmmái guovvamánu 3. beaivvi 2015is, ja odne leat lagábui 5.500 miellahttu. Dát siidu lea okta dain bivnnuheames sámi joavkosiiduin FBs, gos oluhat digáštallet gávtti birra. Dáppe beasat buktit oaviliid, muhto eai buot oaivviliid gal dohket lohká siiddu eadni Kirsti Irene Johnsen.

Johnsen muitala ahte leat šaddan sihkastit soames miellahttu, go eai leat čuvvon sin njuolggádusaid. Johnsen ii čilge gal maid sihkastuvvon miellahttut leat čállán, iige loga gal diehtit man oluhiid leat šaddan sihkastit miellahttun. Son lea oidnán dán ođđa gávttit/gákt'er siiddu, muhto ii leat dieđihan dása miellahttun, lea buorre go eanet dákkár siiddut ilbmet.

Ođđa gáktesiidu ilmmái FBii

Guokte vahkku áigi ilmmái ođđa gáktesiidu FBii, namalassii Gávttit/gákt'er masa dán

Margrethe Nilsdatter Buljo

Ođđa Gávttit/gákt'er FBa neahttasiiddu hálddášeaddji, Margrethe N. Buljo muitala ahte son fuobmái ásahit joavkosiiddu go oinnii mo iešguđet guovllu čiŋat seaguhuvvojit govain. Buljo sihkastuvvui Samiske kofter/Gákti joavkosiiddus, muhto dát ii lean sivvá manne alggahii dán ođđa joavkosiiddu.

Foto: Privat

jánddoris leat badjelaš 500 ođđa miellahttut searván. Oktiibuot leat siiddus 1059 miellahttu. Siiddu eadni, Guovdageaidnulaš Margrethe Nilsdatter Buljo muitala ahte ii goassege jáhkkán ahte ná stuora beroštumi oažžu sin FB joavkosiidu.

Buljo lei ieš miellahttun samiske kofter/gákti siiddus, muhto sihkastuvvui fáhkká miellahttun. Son deattuha ahte dát ii leat sivván manne son ásahii dán ođđa gáktesiiddu, muhto hálidii čájáhit makkár biktasat gullet oktii, vuoi eai seagut.

–Oidnen Instagramma govas, dat lei Vuotnabađa gákti, Guovdgeainnu bártnaža vuoddagat ja lei láigeboagán, ja Guovdageiannu gáhpir dan nieiddažis, danne hálidin ásahit dán ođđa siiddu lohká Buljo.

Goappalágan njuolggádusat

Samiske kofter/Gákti joavkosiiddus leat čielgá njuolggádusat maid miellahttut fertejit čuovvut, ja sii fertejit sihkastit sin geat eai čuovo dáid lohká Kirsti Irene Johnsen. Dieđosge sáhtet digáštallat gávttiid ja čiŋaid birra, muhto ii fal garrasit cuiggodit earáid. Johnsen lohká ahte šaddan hilgon muhttin miellahttuid, muhto ii sáhte čilget man vuođul sii leat bargan dán.

Gávttit/Gákt'er joavkosiiddus ferte dieđosge maid čuovvut bidjon njuolggádusaid, nugo atnit olmmošvieru, eaige njulgestaga láitit dujiid mat ilbmet lohká hálddášeaddji, Margrethe N. Buljo. Lea maid dehálaš deattuhit ahte leat áššálaš ságastallan, ja eai aiggo goit sihkastit ovttage miellahttu, loahpaha Buljo.