Gáiddusoahpaheaddjiguovttos, Siri Kappfjell ja Kirsten Appfjell Eira, leaba goappašagat oastán divrras gáiddusoahpahus-rusttegiid.
Dál áitiba heaitit oahpaheames lullisámegiela skuvllamánáide, go skuvla ii mávsse rusttetláiggu.
Soai eaba dohkket ahte iežaska oahpaheaddjibálkkáiguin galgaba máksigoahtit daid goluid.
Dehálaš fálaldat
Gaskanorgga Sámeskuvla lea dan golmma deatáleamos lullisámi oahpahusásahusain. Ja giela eai huma šatgo muhtun čuođi olbmo Norggas.
Oahpaheaddjiguovttos, Kirsten Appfjell Eira Kárášjogas ja Siri Kappfjell Gáresávvonis, dat oahpaheaba lullisámegiela skuvlamánáide lullisámi guovllus gáiddusoahpahusrusttegiid bokte, máid ieža leaba oastán almmolaš doarjagiid vehkiin.
Sierra golut
Dasalassin leat govdafierpmádat ja IP-adreassa-golut. Muhto oahpaheaddjiguovttos ja skuvla leat guhká nákkáhallan man ollu láigun galgaba oažžut, vaikko oahpaheaddjiguovttos lohkaba seamma ollu gáibiditgo skuvla ovdal šattai earáide máksit.
Appfjell Eiras lea ruovttukántuvra. Almma ahte Gaskanorgga Sámeskuvla lea fitnan doppe, de lohket sii ahte dat ii leat dohkkálaš ja gáibidit ahte doppe galgá sihke boradanbáiki, biilabisánanbáiki ja eará.
Jáhkká čovdosa gávdnat
Gaskanorgga sámeskuvlla stivrrajođiheaddji, Tom Kappfjell, jáhkká ahte nagodit soabadit. Almmolaččat gal ii mieđit Kappfjell oahpaheaddjiguoktá beare ollu ruđaid gáibideame rusttetláigun.