NRK Meny
Normal

Gáibidit Norggas buvttaduvvon juovlamuoraid

Dáid juovllaid leat Norggas sullii 1,8 miljovnna ruovttuin čiŋaheamen juovlamuoraid juovllaide. Sullii 1,1 miljovnna dain dáluin gáibidit ahte juovlamuorra galgá leat Norggas buvttaduvvon.

Olav Ravnås. Gressy mnt. Rogaland Juletrelag

Olbmot gáibidit Norggas buvttaduvvon juovlamuoraid ovdalii olgoriikkalaš juovlamuoraid juovllaide.

Foto: Privat

Dán dieđiha Norgga Eanandoallo- ja biebmodepartemeanta neahttasiidduset bakte.

Norggas buvttaduvvon juovlamuoraid gálvojohtu lea dál einnostuvvon dagahit 627 miljovnna ruvnno, muhto dás lea vejolašvuohta lasihit árvoháhkama sakka jus fal juovlamuoraid buvttadeddjiin lea dáhttu lasihit buvttadeami.

Nu čállá eanandoallo- ja biebmoministtar, Jon Georg Dale neahttasiidduset bokte.

Lasihit 345 miljovnnain

‒ Mii oaidnit dál ahte Norgga buvttaduvvon juovlamuorat leat dál eanet beakkánat gi maid ledje ovdal, ja dagaha ahte olgoriikkalaš juovlamuoraid johttu niedjá. Meroštallamiid vuođul sáhttá dadjat ahte Norggas buvttaduvvon juovlamuoraid gálvojođu lea vejolaš lasihit 45 miljovnna ruvnnuin, dadjá eanandoalo- ja biebmoministtar Jon Georg Dale.

Salg av juletrær

Dál vuvdet eanet juovlamuoraid olgoriikkii go doppe viežžat juovlamuoraid Norgii

Foto: Sun Iren Bjørnås / NRK

Haddedássi rievddada

Juovlamuoraid hattit rivdet ollu báikkis báikái ja gaskal gávpogiid ja báikegottiid. Sullii guovtti mehtera allosaš juovlamuoras sáhttá haddi rievddadit 450 ruvnnos gitta 700 ruvdnui, čájehit logut maid eanandoallo- ja biebmodepartemeanta lea almmuhan .

Olgoriikii vuovdin lassána

Seammás go juovlamuoraid oastin olgoriikkain njiedjá, de olgoriikkaide vuovdin lassána, dieđiha Norsk juletre nammasaš organisašuvdna.

Juovlamuoraid jearru allahatti márkanin nugomat Englánddas ja Duiskkas lea mealgat stuorit go maid juovlamuoraid gávppašeaddjit nagodit buvttadit, čállá eanandoallo- ja biebmodepartemeanta