NRK Meny

Gáibidit máksit ruovttoluotta

Dearvvašvuođadirektoráhtta gáibida Kárášjoga gieldda máksit ruovttoluotta 300 000 ruvnnu. Doarjaga, maid gáibidit ruovttoluotta, oaččui gielda 2013 stáhtabušeahtas oččodan dihtii doaktáriid. Ruđaid gáibidit ruovttoluotta váilevaš raporterema ja rehketdoalu geažil, ja go váilu revisorduođaštus. Gieldda dearvvasvuođa- ja fuollahoavda Randi Johansen Paltto lohká ahte raporteren lea dál dahkkon ja sáddejit čálalaš čilgehusa direktoráhttii. Dál sávvet ahte eai dárbbaš máksit ruovttoluotta doarjaga.