Gáibidit huksenplánat bissehuvvojit
Finnmárkku luonddugáhttenlihttu gáibida ahte buot bieggafámu huksenplánat Rástegáissá lahka bissehuvvojit. Davvesiidda ja Deanu gielddarádjeguovllus Lágesduoddaris lea okta Norgga maŋimuš stuorát luondduguovlluin gos eai leat bissovaš huksejumit, ja nu galggašii bissut boahtteáiggis, gáibida lihttu. Lihttu ákkastallá maiddái ahte lea dehálaš guovlu boazodollui, ja ahte servodagas ii leat dárbu el-rávdnjái maid Rástegáisá-guovllus áigot buvttadit.