Gáibida sámi sisdoalu TV2:s
Norgga ođđadárogielsearvi "Noregs Mållag" gáibida ahte Kulturdepartemeanta ii galgga diktit Norgga stuorámus kommersiála TV- kanála, TV2, hilgut sámi prográmmasisdoalu. Nu čállá searvvi jođiheaddji Magne Aasbrenn lohkiidbreavastis. Árabut dán čavčča ozai TV2 ođasmahttit iežas riikaviidosaš sáttalobi, ja ohcamušas bođii ovdan ahte TV2 ii áiggu vuoruhit sámegiela ja sámi sisdoalu. Departemeanta lea meannudeamen kanála sáttalobiohcamuša.