Gáibida ruhtadit Riddu Riđđu

Davvi-Romssa guovlluráđđi gáibida ahte stáhta ain ruhtada Riddu Riđđu festivála Gáivuonas. Duogáš dasa lea go ráđđehus áigu heaittihit gávnnadansadjeortnega, mii addá earet eará Riddu Riđđui doarjaga stáhtabušeahtas. Guovlluráđđi gáibida ahte festivála ain oačču ruđa stáhtabušeahtas, go festivála lea dehálaš oassi gáhttemis mearasámiid kultuvra.