Gáibida guokte miljovnna Statnettas

Advokáhtta Geir Haugen gáibida guokte miljovnna kruvnno Statnettas go lea bargan boazoorohaga ovddas bissehit 420 kilovolta elfápmo-linnjá, mii lea huksejuvvomin Ufuohtas Hámmárfestii.

Statnett lea máksán jo 1,1 miljovnna kruvnno, muhto
eai áiggo máksit loahppagáibádusa, mii lea 900 000 kruvnno stuoru.
Haugen lea ovddidan máksingáibádusa Ufuohta diggegoddái, mii árvvoštallá dan fargga.

Haugen ii loga goassege vásihan dákkár meannudeami iežas badjelaš 30-jagi advokáhta ámmáhis, Nordlys-áviisa čállá.