NRK Meny

Gáibida buhtadasa

Davve-Sážžá orohat, Romssa fylkkas, čuoččuha ahte skohtervuoddjin lea dagahan ahte orohat lea manahan 432 bohcco, main lei 1,3 miljovnna árvu. Jođiheaddji Per Mathis Skum gáibida dál buhtadasa, ja jearrá maid manne eai čavge skohtervuodjingeavaheami. Nu čállá Nordlys áviisa. Leaŋgáviika suohkan lea árabut hilgon máksit buhtadasa, muhto čakčamánus áigu biras ja hálddašan lávdegoddi fas árvvoštallat dán ášši.