Gádjunbargu Báhcavuonas
Maŋŋit ikte eahket fertii gádjunveahka veahkehit nissonolbmo gii lei lábmen čielggi, Finndalsjávrris, Báhcavuonas Gaskaromssas. Heajos telefuvnna oktavuođa geažil lei váttis diehtit mii lei dáhpahuvvan. Dasa lassin ii lean dálki helikoptergirdimii. Danne šadde meahccegádjunveahka gádjut nissona. Nisu fivrreduvvui skohterin ja ambulánssain fas doavttiriskkosii, muitalit politiijat.