Gellieh jaepieh Aarboerten tjïelte barkeme jih sæjhta guektiengiele tjïelte, saemien gïelereereme dajvesne sjidtedh. Tjielten ståvroe nænnoestamme edtjieh daelie syøkedh. Daelie Aarboerten tjïelten åvtehke Asgeir Almås bievnede, ij leah aelhkies barkoe orreme.
– Tjïelten ståvroe jeahteme jis edtjebe guektien gïele tjïelte sjidtedh, tjoeveribie Aarboerten almetjidie meatan buektedh, dihte lea støøremes haesteme daelie. Aarboerten tjïelten åvtehke Asgeir Almås jeahta.
Ij leah naan iedtje Aarboertesne.
Aaarboerten tjïelte barkeme jih niekedassem åtna, Aarboerten tjïelten almetjh edtjieh eadtjalgehtedh jih tjïelte ståvroen barkoem nænnoestidh guktie maehtieh guektien gïele tjïelte sjidtedh.
– Mijjieh barkebe nemhtie sijhtebe dah almetjh edtjieh damtedh, daate mij hijven tjïeltese sjædta. Åtneme almetje tjåanghkoe, plaeriej tjirrh bievneme jih vaejkeles barkoe dåehkiem utnebe. Læjhkan eah leah eadtjalgehteme, Almås jeahta.
Daelie edtja Aarboerten tjïelte læjhkan syøkedh jih guektien gïele tjielte sjidtedh.
Tjaktjese tjïelten veeljeme.
Saemiedigkien åvtehke Aili Keskitalo geerjene akte vielie åarjelsaemien tjïelte sæjhta guektiengïele tjielte sjidtedh.
– Govloes goh ensi-laakan barkeme jih sinsitnien gaskem rontestalleme. Håhkesjem daelie daan aamhtesen bijre nuekies digkiedamme jih ussjedamme gåessie tjaktjese tjïelten veeljeme sjædta, olles mij jeatja daestie sjædta, Keskitalo jeahta.
- Lohkh aaj: