Gažaldat Listhaugai
- Ráđđehus ferte buorebut čilget mot bággonjuovvan boazodoalus sáhttá čađahuvvot almmá rihkkumes Norgga vuođđolága ja Eurohpá olmmošvuoigatvuođa julggáštusa. Nu lohká Sosialisttalaš gurutbellodaga stuorradikkeáirras, Torgeir Knag Fylkesnes gii lea bivdán Eanadoalloministaris Sylvi Listhaug:as čálalaš vástádusa dás. Ráđđehus bijai diibmá garra njuovvangáibádusaid dihto siiddaide oarje-finnmárkkus ja sii ge geat ovdalis leat čuvvon njuovvangáibádusaid leat gohčohallon njuovvat olu. Knag Fylkesnes eahpida Ráđđehusas leat lágalaš vuođđu dán lahkai unnidit boazologu Finnmárkkus.