Árabut dán tjavtja rádedij Fuosko pládna- ja åvddånahttemjuogos avtajienalattjat Fuosko suohkanav almulattjat válldet adnuj sáme namájt Fuoskon, daj siegen Fuossko.
- Lågå:
- Lågå aj:
Suohkanstivrra ássjev giehtadaláj dán máno nuppát biejve, ja stuorra ieneplågojn mierredin dåhkkidit pládna- ja åvddånahttemjuohkusa oajvvadusáv Fuosskuj adnegoahtet sáme namáv. 25 suohkanstivraájrrasijs miededin dáv, madin gålmås jienastin vuosstáj.
Ottar Skjellhaug, Fuosko pládna- ja åvddånahttemjuohkusa jådediddje.
Foto: Sahand Ammari– Niddo buorre
Ja nav de oattjoj Ottar Skjellhaug (Bb), pládna- ja åvddånahttemjuohkusa jådediddje, suohkanstivrav mierredittjat Fuosskuj almulasj sáme namáv.
Dat ávvusahttá suv.
– Niddo buorre lij gå suohkana bajemus orgádna stuorra ieneplågujn dáv la dåhkkidam jut Fuossko galggá aj adnegoahtet sáme namáv suohkanin, javllá Skjellhaug.
Ja dálla jåhtuj biejaduvvá barggo galbajt sadjáj åttjudit mij vuoset Fuosko stáda sáme namáv subtsas Skjellhaug.
Sån doajvvu galba galggi sajen juo javlaj åvddål.
