Hopp til innhold

Korte nyheter

  • Gonagas Harald dearvvašnuvvan

    Dál lea Gonagas fas barggus, maŋŋel go son lei oanehaš buohccindieđihuvvon, nu dieđiha Gonagasviessu. Bearjadaga fertii gonagas Harald leat ruovttus nuorvvu geažil, ja ruvdnoprinsa Haakon fertii de oassálastit stáhtaráđis. Muhto dál lea Gonagas fas dearvvaš.

    Kong Harald i Flesberg
    Foto: Yasmin Mouafak Abokatmah / NRK
  • Sámi čuoldinkursa geasuhii

    Sámi arkeologa ja duojár Anna Ciukca Sjursen ballá ahte sámi čuoldin- ja njuikkuhanmáhttu jávká. Ieš lea oahppan dán duoji 2015:is, ja dan rájes lea bargan seailluhit dán suorggi.

    Danne son lea lágidan kurssaid Nasjonalbibliotekas Oslos, gosa duodjeberošteaddjit sáhtte searvat.

    Buot njeallje kurssa ledje áibbas dievva, ja feaskáris ledje olbmot geat ledje boahtán, jus dette sidjiide nai livččii sadji.

    Kursii ledje boahtán sihke nuorat ja ollesolbmot.

    Lágideaddji lea duhtavaš, go oaidná ahte dán áigge lea beroštupmi viežžat oidnosii árbevirolaš čehppodaga. Ii dušše Sámis, muhto miehtá máilmmi.

    Samisk grindvevkurs på Nasjonalbiblioteket, Oslo
    Foto: Wenche Marie Hætta / NRK
  • Álbmot ii hálit EO-miellahtu

    Miessemánus ledje oallugat Norggas geat háliidedje ahte Norga lea EO-miellahttu, muhto dál lea fas EO-eahpádus jođus ruovttoluotta. Dušše okta, njealljásis háliidit ahte Norga searvá EO:i, nu čájeha Nationen oaiviliskkadeapmi. Jus dál livčče leamašan EO-válga, de livčče Norggas 55,8 proseantta álbmogis dadjan ahte eai hálit ahte Norga lea EO-miellahttu.

    Norsk flagg og EU-flagg
    Foto: Keilen, Berit / Keilen, Berit