Fovsen-ášši: Čuohcá sápmelaččaide silolaččat
Den norske psykologforeningen čájeha doarjaga Fovsen-miellačájeheddjiide ja bivdá atnit fuolas mo dál meannudit ášši go sáhttá sápmelaččaid silolaš dillái čuohcat.
Lea dien Psykologforeningen dahje Psykologaidlihttu olmmošvuoigatvuođalávdegoddi Karl Eldar Evang, Alba Lorena Sanchez Banoun ja Runa Kongsvik bokte geat dorjot sápmelaččaid Fovsen-áššis.
– Olmmošvuoigatvuođalávdegoddi Psykologaidlihttu oaivvilda ahte dán Fovsen-ášši berre geahččat dan oktavuođas mo Norgga stáhta dáruiduhttinpolitihkka guhká systemáhtalaččat lea olu bilidan sápmelaččaid ovddas gitta otná dan beaivái, čállet lihtus.
Dás čállet dáruiduhttinpolitihka vahágahttán eaŋkilolbmuid ja váikkuhan olles kultuvrii.
– Psykologan de oaidnit mo dáža stuorraservvodat ja Norgga ráđđehus dál gudnejahttet dahje eai gudnejahte Alimusrievtti cealkámuša ja mo dat de Fovsen-áššis váikkuha sápmelaččaid oidnui dasa ahte leat go sis eamiálbmogin riektesihkkarvuohta, vai galget go ain duvdiluvvot olggobeallai ja badjelgehččot ain, čállet Psykologaidliittus.
- Mii oaivvildat ahte dat álgu dán Fovsen-áššis, deaivideapmi stuorraservodagain, sáhttá čuohcat olles sámi álbmogii. Nu leat dáhtton ahte ráđđehus ollásit dohkkeha Alimusrievtti duomu ja oaidná dán sápmelaččaid beale, nu loahpahit Psykologaidlihttus iežaset čállosis. (NTB)