Fovse-šiehtadalliit šiehttan leat jávoheapmin
– Sii leat šiehttan leat jávoheapmin, nu ahte ii sáhte muitalit maidige.
Nu dadjá riikkasoabadeaddji Mats Wilhelm Ruland NRK:i go jerro mo manná Fovse badjeolbmuid ja bieggafámu konsešuvdnadoalliid šiehtadallamiiguin.
Dál lea gollan badjel 600 beaivvi das rájes go Alimusriekti celkkii ahte bieggafápmorusttegat Fovses Trøndelágas rihkkot eamiálbmotvuoigatvuođaid.
Lávvardaga ledje demonstrašuvnnat Stuorradikki olggobealde ja lohket ođđa Fovse-akšuvnnaid fas 100 beaivvi geažes.