Korte nyheter

  • Positiiva koronaiskos sámedikkis

    Sámedigge dievasčoahkkimis Álttás lea ovtta olbmos positiiva koronaiskos. Buot čoahkkinoasálastit ávžžuhuvvojit válddihit iskosiid. Seminára mii álggii dii. 8:s lea digitálalaš. Eatnašat čuvvot čoahkkima digitálaččat. Dušše sii geat iskosa váldet besset dievasčoahkkinlatnjii.

  • Bådådjo giellahálddašansuohkan

    Ihttin galgá Bådådjo gávpotstivra mearridit ahte galgá Bådådjo šaddat sámi giellahálddašansuohkan. Jus dohkkehit dan, de sáhttá Bådådjo šaddat dat leat sihke Nordlándda fylkaoaivegávpot ja vel dat vuosttaš ja áidna gávpot mas lea dát stáhtus. Go lea sámi giellahálddašansuohkan, de lea dárogiella ja sámegiella dássiduvvon.

    Bodø by sentrum
    Foto: Sondre Skjelvik / NRK
  • Rektorat mearridit doaibmabijuid

    Oahpaheaddjit háliidit ahte rektorat mearridit koronadoaibmabijuid skuvllas, ovdalii go ahte suohkanat galget mearridit. Go njoammun lassána ja vel go olu oahpaheaddjit leat eret buozalmasvuođa geažil, ja vel go váilot vikárat, de dagaha dat stuora hástalusaid skuvllain ja mánáidgárddiin. Oahppolihtu dieđuid mielde de háliidit oahpaheaddjit ahte rektor mearrida juohke skuvllas doaibmabijuid, ovdamearka dihte geahpeduvvon oahpahusáigi.

    Skoleklasse
    Foto: Leif Bryne/Flicr