Finnmárkokommišuvdna nannejuvvo
John Bernhard Henriksen lea nammaduvvon ođđa miellahttun Finnmárkokommišuvdnii.
Son lea sihke advokáhta ja sus lea masttergráda riikagaskasaš politihkas.
Maŋemuš jagiid lea son leamaš Sámedikki riikagaskasaš áirras, ja lea maid bargan ON:s.
Finnmárkokommišuvnna jođiheaddji Jon Gauslaa jáhkká Henriksena gelbbolašvuođa šaddat ávkin kommišuvnna bargguid oktavuođas.