NRK Meny
Normal

Festivála-geassi nogai...

Festivála-geassi lea dál nohkan. Sámis leat dán áigge hui ollu festiválat. Movt galgá válljet guđe festivála galgá vuoruhit ja leat go dán áigge beare ollu festiválat?

Angèlique Kidjo på Riddu Riđđu
Foto: Ann Marita Eriksen

Vaikko makkár festiválat

Miessemanus gitta borgemánnui leat Sámis badjelaš 30 iešguđetlágan festivála. Musihkkafestiválat, guollefestiválat ja kulturfestiválat. Lea hirbmat válljenvárri sidjiide geat háliidit daid mielde jođášit, ja muhtun vahkkoloahpaid leat moadde oktanaga iešguđet báikkis.

Ravdna Buljo Gaup

Áigeguovdilis-ossodaga redaktevra Rávdná Buljo

Foto: NRK

Lea go váttis vuoruhit?

Geasset lea unnán mii dáhpáhuvvá politihkas ja muđui ge almmolaš ásahusain. Danne soaitá buorren sámi media-ásahusaide ahte leat festiválat maid birra muitalit. Muhto, movt vuoruha media-ásahus ahte gosa sádde bargiid ráhkadit festivála birra ášši? Svein Nordsletta Ávviris ja Rávdná Buljo NRK Sámi radios muitaleaba ahte ii leat nu hirbmat váttis vuoruhit. Daidda "čielga" sámi festiválaide gal sáddejit bargiid juohke geasi, nu go Riddu Riđđu ja Márkomeannu. Ja ii leat váttis gávdnat bargiid ge geat háliidit vuolgit daidda festiválaide, muitaleaba soai.

Gula movt sámi media vuoruha festiválaid

Ii dolkka festiválaide

Brita Triumf lea guhká bargan festivála-lágideaddjin Guovdageainnus. Mannan geasi lea son fitnan guđa sámi festiválas, ja dadjá ahte su mielas eai leat gal beare ollu festiválat. Ja ii loga iežas goasse dolkat festiválaide. -Lea nu somá fitnat festiválain, ja deaivvadit oahppásiiguin ja gullat buori musihka. Ii han daid sámi artisttaid beasa eará ládje gullat, lohká Triumf.

Rihttá ii dolkka festiválaide

Eai leat beare ollu festiválat

Geassi han lea mediain nu gohčoduvvon "agurka-áigi", go čállet daid áššiid birra main ii soaitte eanemus deaddu juobe journalisttalaččat. Muhto eai mediabargit eai ge festiválahasat loga ahte Sámis leat beare ollu festiválat dán aigge. Go dat han leat dehálaččat sidjiide geat orrot dain guovlluin gos lágiduvvojit, ahte besset čájehit mii sin guovllus lea buorre ja geasuheaddji.

Ja dá sáhttibehtet lohkat makkár festiválat dat ledje ge Sámis mannan geasi:

Dá ledje 2008 geasi doalut