Fertejit ovttas gávdnat čovdosa

Kulturministtar ja Sámediggi fertejit ovttas gávdnat čovdosa Beaivváš teáhtervistti hárrái Guovdageainnus. Dan čállá teáhtera stivra rabas reivves mii lea sáddejuvvon kulturministarii Linda Hellelandi ja sámediggepresidentii Aili Keskitaloi. Badjel logi jagi lea Beaivváš bargan dan nammii ahte oažžut ođđa vistti, dál leat teáhter visttis, mas muhtin oassi lea giddejuvvon sisáimmu váttisvuođaid dihte.