Eva Torill Skogstad dat jearai sadjásaš sátnejođiheaddjis ahte fállat mállásiid iežas ruovttus daidda, geat mákset 300 ruvnno TV-akšuvdnii. Skogstad muitala ahte sátnejođiheaddji ferte dál málestit 80 nissonolbmui.
Violet Road
Gáivuona suohkan lea dán radjái leamaš dat Romssa fylkka suohkan, gos juohke ássi addá eanemusat TV-ákšuvdnii.
Dán radjái lea boahtán váile 80.000 ruvnno, earret eará Gáivuona beakkán musihkkajoavkku Violet Road konsearttain. Seamma áigge lei maid áksiovdna gos sáhtii oastit Gáivuona sadjásaš sátnejođiheaddji.
Muhto Gáivuona nissoniid ovddasteaddji ii oláhan buoremus fálaldaga ja danne fuomášii hástalit sadjásaš sátnejođieheaddji ráhkadit sidjiide gaskabeivviid, ja buohkat mákset 300 ruvnno, ja ruhta manná njuolga TV-akšuvdnii.
Dán radjái leat gákcilogis dieđihan. Doaibmi sátnejođiheaddji Svein Leiros lea ilus go gáivuotnalaččat dáinnalágin servet TV-akšuvdnii, mii lea čoaggimin ruđa Girku heahteveahkkái, ja son ii leat goasse vásihan ná olu beroštumi: