Nu Árjja sámediggeáirras, Laila Susanne Vars, cuiggoda Sámedikki áirasiid FeFo stivrras, ja vela iežas bellodaga áirasa, Hartvik Hansena guhte lea Sámedikki áirras FeFo stivrras. Vars dadjá ahte Finnmárkku opmodaga vuođđoeaktu lei ahte Finnmárkku opmodat galggai sihkkarastit ja nannet sámi vuoigatvuođaid. Vars dadjá ahte FeFo strategiijadokumeanta ii dávis láhkaulbmila.
Ruhta eará doaimmaide
– Dat mii dál dáhpáhuvva lea ahte FeFo bidja ruđaid ollu eará doaimmaide, ja dagaha ahte sámiide ja báikegottiide dehálaš áššit, jávket, dadjá Laila Susanne Vars. Son dadjá viidáset ahte Sámedikki áirasiin Fefo stivrras orru leamen ballu sámi vuoigatvuođaáššiid ovddideames FeFo strivrras.
Ii hálit dadjat maidege cuiggodemiide
Nubbi Sámedikki válljejuvvon áirrasiin FeFo stivrii lea Árjja bellodaga sámediggeáirras, Hartvik Hansen. Hansen ii hálit dadjat maidege Vars cuiggodemiide.
Árjja sámediggeáiras, Laila Susanne Vars, dadjá ahte FeFo ii galgga bargat ealáhusovdánemiin, ja muitala ná manne nu eai galgga:
Guldal maiddái: