FeFo gáržžida rievssatbivddu
Unnán rievssahat leat dan sivas go leat unnán rávislottit ja unnán čivggat šaddet, ja dat mielddisbuktá ahte Finnmárkkus lea unnán rievssat. Dál čavge ge FeFo bivddu garrasit ja dákkár gáržžideamit eai leat leamaš goassige ovdal. "mii sihtat bivdiid geahččalit garvit rávislottiid dán čavčča. Diktit eaŋkillottiid ja páraid girdit viidáseappot, geahččal báhččit baicce lottiid mat girdet doahkkin dahje leat doahkkin báhčin muttus." lohká meahccejođiheaddji Einar J. Asbjørnsen.