Stuorravuona ássi Bertil Berg lea giđđa bargguin dál hommámin. Su meahccesávzzat leat guoddimin ja lábbát leat juo váikke man ollu, de bargu ii gal váillo.
Meahccesávzadoalli Bertil Berg váccaša sávzagárddis ja geahčada ealus.
Dál vuos leat su sávzzat gárddis danne go ii leat vel luoitán dáid meahccái dannego lábbáid lohká vuos fertet veaháš stuorrolit. Sus leat olu lábbát, muhtimat leat vilegadat, earát ges čáhppat ja váikke man ollugat leat dakkáraš girjás lábbát. Vaikke man olu ivnnit leat seaguhuvvon vielgat, ruškkat, čáhppat.
Farga luoitá sávzzaid meahccái
Dál livččii juo áigi luoitit sávzzaid olggobeallái áiddi, muhto muitala guoddima leat veaháš maŋŋonan, danne doalaha ain sávzzaidis stobu lahkosiin. Lábbáid lohká fertet stuorrulit veaháš vel ovdal go luoitá dáid guohtoneatnamii njárgii.