FA-Sápmi kvártafinálas
Odne eahkes čiekčá FA-Sápmi kvártafinála Conifacup čiekčamin Abchazias, ruovttujoavkku vuostá. Vurdo 10.000 geahčči boahtit čiekčamii. Goabbá dáin joavkkuin vuoitá beassá semifinálačiekčamiidda. FA-Sápmi lea vuoitán 5-0 Somaliland vuostá ja vuoittáhallan ges 1-0 Panjab joavkku vuostá. FA-Sápmi presideanta čállá Facebook-siiddus ahte sin joavku illuda otná čiekčamiidda Dinamostadionas, Suhumi-báikkis.