Gauriloff filbma lea evttohassan guovtti kategoriijas, nammalassi jietnaplánemis ja dokumentára filmmain, dieđiha
.«Mánu meahci Kaisa» filmmas govve Gauriloff iežas máttaráhku, Kaisa. Filbma lea eará filbmafestiválain juo rámiduvvon, ja geahččit ožžot Kaisa bokte čiekŋalis ipmárdusa nuortalaččaid eallinvuohkái, mii lea masá jávkan.
– Hui, hui lihkolaš dovdu, go gal Jussi-evttohassan lea álo stuorra ášši filbmadahkkái, lohká Gauriloff Yle Sápmái.
Jussi filbmabálkkašumis leat 15 suorggi mas filbmadahkkit gilvalit. ja bálkkašupmi ásahuvvui 1944. Bálkkašumit geigejuvvojit Jussi-gálas njukčamánu 24. beaivve.
Gauriloff filbma čájehuvvo maiddái guovvamánus riikkaidgaskasaš filbmafestiválas Berlinas duiskkas. «NATIVe – A Journey into Indigenous Cinema» lea festivála fáddán, ja čalmmustahttet árktalaš filmmaid.
- Loga eanet filmma birra dárogillii dás: