NRK Meny
Normal

Europan støøremes biegkefaamoe dajve båatsoe eatnamisnie

Støøremes biegkefaamoe parhkh Fovsen Njaarkesne sjædta. – Mijjiem daestie behtjiedeminie, båatsoesaemie Arvid Jåma jeahta.

Vindkraftutbygging

Naemhtie edtja dihte biegkefaamoe parhke Åfjordesne vååjnedh.

Foto: Illustrasjon / Statkraft

Dæjstan bievnejin ihke Statkraft, Trønderenergi jih Nordic wind power DA ,edtjieh ektesne viehkiesadtedh jih Europan støøremes biegkefaamoe parhkide Fovsen Njaarkesne bigkedh.

Gellieh jaepieh biegkefaamoen bijre Fovsesne Hitresne jih Snillfjordesne digkiedamme. Jijnjh almetjh biegkefaamoe prosjeektide vuastalamme dannasinie stoerre eatneme dajvide skilkieh.

Daelvie laante ånnene

Arvid Jåma bovtsegujmie åarjel Fovsesne gïehtele, dihte håjnoes sjædta gåessie daam saerniem govli.

– Mijjieh daan guhkiem daejnie digkiedamme, jis hojhte daate sjædta, mijjien daelviegåatomes laante gaertjebe sjædta. Golmeluhkie prosent daelvielaanteste maam ibie dellie maehtieh nuhtjedh, Jåma jeahta.

Guktie edtjede bearkadidh?

– Manne straavvem akte båatsoe sijjie gaarvene. Ibie gaajhkesh tjaakenh mij daelie båatsoe sijjiem utnieh. Båatsoejielemem jih samien kultuvrem øølege, Arvid Jåma jeahta.

278 biegkegoernh

Tjuerieh jijnjh jih urreste geajnoeh bigkedh gåessie edtjieh daejtie biegke goernide tseegkedh. Daate vaadta 600 orre barkoesijjieh dah tjïeltine.

Govhte biegkefaamoeparhkh, jih 11 milliarder kr, edtjieh daan biegkefaamoe prosjeektese maeksedh. 1000 MW biegkefaamoe njuvviem edtjieh buektiehtidh. Njuvvie 170.000 ståapagøøtide. Riejries jaepien 2020 sjædta.