Ellen Cecilie Triumf lea 25 jagi boaris, ja lea Guovdageainnus eret. Son lea čálliigoahtan másterbárggustis Aoteroas, dahje Ođđa Zealanddas. Doppe son lohká bohccobierggu ja ruksesgoddebierggu birra.
Son rámppo olbmuin Aoteroas:
- Sii leat hui smáđahkasat ja veahkkat muitala Ellen Cecilie.
Sámi nieida lea oahpasnuvvan olu olbmuide doppe. Ja lohká ahte dan máŋemus golbma mánu go lea doppe, de son galga ollet buot bargat:
- Lea nu olu maid áin galga bargat ovdal vuolgá ruoktot, ja ruoktot gal áiggun váldit maori dujiit ja "green stone" nammasaš geađggii máinna beassa čiŋaid ráhkadáhttit muitala Ellen Cecilie.