Hopp til innhold

Sápmelaš artista doallá konseartta áibbas erenoamáš báikkis

Elle Márjá Eira čuojaha odne Tromssa Internationála Filbmafestiválas (TIFF:s) vuosttaš geardde ovttas joavkkuinis.

Elle Márjá Eira, TIFF 2022

ILUS: Elle Márjá Eira lea ilus go beassá čuojahit filbmamusihka ovttas musihkkáriiguin, geaiguin lea doallan oktavuođa dušše neahta bokte.

Foto: Sandra Márjá West / Riddu Riđđu

Olbmot besset gullat musihka Elle Márjá Eira dokumentáras «Ealát», mii diibmá čájehuvvui TIFF:s.

– TIFF:s jerre diibmá jo sáhtášingo doallat dáppe Tromssas filbmakonseartta, gos mii čuojahit filbmamusihka. Dasa mihten, muitala Eira.

Elle Márjá Eira

Elle Márjá Eira lea ráhkadan filmma koronadilis.

Foto: Marie Louise Somby

Odne dollo konsearta Alfheim-vuojadanhállas. Dát lea okta Tromssa visttiin, maid dovddus arkiteakta lea sárgon.

– Alfheim-vuojadanhálla lea miellagiddevaš ja erenoamáš čuojahanbáiki. Jáhkán dat addá erenoamáš dovddu leat doppe. Ii leat miige dábálaš konseartabáikkiid. Livččii suohtas jus olbmot livčče vel sáhttán vuojadit go mii čuojahit, leaikkastallá Eira ja bohkosa.

– Erenoamáš čuojahanbáiki

Ovttas Riddu Riđđu -festiválain čájeha TIFF erenoamáš audiovisuála konseartta Elle Márjá Eirain.

«Ealát» filmma ráhkadii Eira fárrolagaid Ken Are Bongoin diimmá TIFF:i. Festivála lei su bivdán filmmain govvidit koronadili.

– Norga lei dalle goasii áibbas gitta. Inge mun sáhttán deaivvadit nu olu olbmuiguin. Danne válljejin ráhkadit filmma min orohaga birra, muitala Eira.

Otná konseartabáikki sárggui Jan Inge Hovig jagis 1957. Hálla lei gárvvis jagis 1965.

Hovig lea earret eará sárgon dovddus Ishavskatedrala Sálašvákkis. Maŋimuš jagiid hállas ii leat leamaš vuojadeapmi go visti lea nu gollan ja mieskan.

– Min jietnaolbmot leat heivehan čuojahanbáikki, nu ahte doppe ii galgga leat nu olu skádja. Dál doppe galgá leat buorre akustihkka, muitala Eira.

Alfheim svømmehall tromsø

Alfheim-vuojadanhálla lei diimmá Sámi álbmotbeaivvi oktavuođas čiŋahuvvon sámi ivnniiguin.

Foto: David Jensen / Jensenmedia

– Eat leat ovdal doallan konseartta

Elle Márjá Eira lea ikte eahkedis vuosttaš geardde deaivvadan musihkkáriiddisguin.

Sii eai leat goassige ovdal čuojahan ovttas dahje doallan konseartta. Sis lea dássái dušše leamaš gáiddus ovttasbargu.

Elle Márjá Eira, TIFF 2022

VUOSTTAŠ HÁRJEHALLAN: Ikte lei Elle Márjá Eiras ja su joavkkus vuosttaš oktasaš hárjehallan.

Foto: Sandra Márjá West / Riddu Riđđu

– Dál leat musihkkárat, geaiguin mun lean ovttasbargan, boahtán deikke Skottlánddas, Eŋlánddas ja Irlánddas. Šaddá somá singuin čuojahit ovttas, illosa Eira.

Musihkkašládja maid joavku čuojaha gohčoduvvo ambientan. Dán musihkas lea deaddu jienaid skádjaivdnái. Dat lea ráhkaduvvon nu, ahte galggašii gullot «atmosfearalaš», «visuála» dahje jaskes musihkkan, mii ii bahkke olbmo ala.

– Mun hui dávjá improviseren dahje geahččalattan. Musihkalaččat in čuovo makkárge rájiid dahje njuolggadusaid. Mu musihkka lea hui rabas. Vuođđun lea luohti, sihke árbevirolaš luohti ja ođđaáigásaš luohti, čilge Eira.

Son lohká iežas liikot stoahkat iežas jienain ja geavahit iežas jiena feara man láhkái.

Korte nyheter

  • Medisiidnaoahpuide váddáseamos beassat

    Les på norsk.

    Daid vihtta oahpuide gosa lea váddáseamos beassat Norggas leat buot medisiidnaoahput. Nu čájehit logu Samordna opptakas.

    Gitta bajimuš, gosa lea buot váddáseamos beassat, lea medisiidnaohppui Oslo Universitehtas. Doppe lea karaktearagáibádus 69,7 dábálaš kvohtain.

    Jos ii geahča medisiidnaoahpuid, de lea psykologiijaohppui Oslo Universitehtas váddáseamos beassat. Doppe ges lea karaktearagáibádusa 68,1 dábálaš kvohtas.

    Leah Emilie (17) gal beassá álgit oahpu gazzat čakčat. Loga dan birra dás (dárogielat artihkal).

    Samordna opptak
    Foto: Fredrik Varfjell / NTB
  • Google Maps trøbbel i Troms

    Google Maps får skylda for at Nord-Troms mangler turister, melder avisa Nordlys.

    På Google Maps står det nemlig at E6 på Kvænangsfjellet er stengt. Dette gjør at man ifølge kartet må kjøre gjennom Finland for å komme seg til for eksempel Alta. Det innebærer en omvei og en kjøretur på over 7 timer.

    Denne feilen er nå rettet opp igjen.

    Dag Arne Johansen, som er en av driverne av kafeen Bios på Storslett i Nordreisa, forteller at han merker en markant endring i regnskapene dette året.

  • Rettsvitenskap og medisin mest populært i Tromsø

    Rettsvitenskap med 3336 søkere og medisin med 2047 søkere er de mest populære studiene ved UiT i Tromsø.

    Stadig flere får tilbud om plass på medisinutdanning. I år er det ei økning på hele 21 prosent som har fått tilbud om en plass på landsbases, sammenlignet med i fjor, melder samordna opptak.

    Ved UiT Harstad var det studiet internasjonal beredskap som stakk av som mest populære studie i år med 623 søkere.