NRK Meny
Normal

Unnáša láddehagaid logu

El-biila eaiggát Lars Robert Helander ii leat duhtavaš láddehatvejolašvuođain davvin. Son sávvá ENOVA ođđa doarjjaeavttut attášedje ođđa movtta láddehathuksejeaddjiide.

Sámis unnán láddehagat el-biillaide.

Unnemus el-fápmoláddehagat, 22 kw, leat ladestasjoner.no dieđu mielde dušše golmma sajis Finnmárkkus – Álttás, Skáiddis ja Kárášjogas. Stuorámus láddehagat, main lea 50 kw ja eanet, gávdnojit Tromssa gávpogis.

El-biila eaiggát, el-bileier,

Lars Robert Halonen vuojaša Tesla nammasaš el-biillain.

Foto: Piera Balto / NRK

– Heajos dilli go leat unnán láddenstášuvnnat Sámis, šuohkkiha Helander. Olmmoš ferte plánet issorasat go vuolgá tuvrii; fulkkiin jearrat láddenvejolašvuođa, gáraša luoikkahaddat jna.

Dál go eai leat vuos nu ollu el-biillat, de funke nie dahkat, muhto go eanet el-billat bohtet, de fertejit stášuvnnat, dadjá son.

Hukset olles ráiddu

Audhild Kvam

Enova márkandirektevra doaivu iežaset doarjjaortnega movttiidahttit el-biila háhkama

Foto: NRK

Enova márkandirektevra, Audhild Kvam, muitala iežaset dál fállat máksit 40 proseantta investerengoluin go hukse láddehaga.

– Diibmá go sii ohce huksejeaddjiid, de lei gáibádussan hukset dihto gaskkaide nu ja nu olu láddehagaid, ja nu gárttai dat oalle stuorra huksejupmin, ja dasa ii boahtán oktage huksejeaddji.

– Vejolaš hukset dušše ovtta

Dál mii leat jorggihan, ja eatge gáibit dihto logu hukset, go lea doarvái ohcat vaikko dušše ovtta láddehahkii ruhtadoarjaga, dadjá Kvam.

Son doaivu dál lea stuorát beroštumi olahit dan.

Muhto Helander ja eará finnmárkulaš el-billaeaiggádat ferte ain birget unnán láddehatvejolašvuođaiguin?

– Nu fal, muhto dáinna fálaldagain de rahpasit eanet vejolašvuođat buot Norgga gielddaide huksehit johtilis láddehatstašuvnnaid, oaivvilda Kvam.

Eahpečielggas tienas

Makkár tienas bat sáhttá leat diekkár láddehatstašuvnna eaiggádii?

– Tienas gal lea čadnon geavaheaddjilohkui, muhto ášši veahá dego dat "vuonccis ja manni". Jus eai leat láddehagat, de eai leat dalle nu ollu el-billat ge.

– Muhto dál doivot láddehagaid logu lassánit, ja nu lassánišgoahtá maiddái el-biilalohku, maddái stuorámus čoahkkebáikkiid olggobealde, loahpaha Kvam.