El-rávdnji boatkanaddá duollet dalle Kárášjogas, gos dál lea badjel 30 buolášgráda.
Guktii boatkanan
Luostejoga el-fápmodoaimmahagas dieđihit ahte váttisvuohta lea Riehppovuona bealde, ja doppe leat bargamin gávnnahit mii dat lea dagahan el-rávnnji boatkaneami. sii muitalit ahte el-rávdnji lei maiddái ihkku boatkanan, ja velá dál iđđes.
Dál lea Kárášjogas el-rávdjni
El-fápmodoaimmahagas dieđihit dál ahte Kárášjogas galgá dál lea el-rávdnji, danin go sii leat goallostan eret Riehpovuona dan trafostašuvnnas mas Kárášjoga oažžu el-rávnnji.
Smiervuonas váttisvuohta
Riehpovuona el-fápmodoaimmahaga neahttahoavda, Stein Bjørgulf Isaksen, muitala ahte váttisvuohta lea leamašan Smiervuona trafostašuvnnas Porsáŋggus.
Son muitala ahte Riehppovuona, Ávági, Muosát, Fálesnuori guovllut leat leamašan el-rávnnji haga mannán ija rájes.
Isaksen jáhkká ahte váttisvuohta el-rávnnji boatkanemiin vuordimis čoavdašuvvá dál farggamusat.