Eisseválddit behttet sámi nissoniid
Eisseválddit behttet sámi nissoniid geat gillájit seksuála veahkaválddálašvuođa ja buotlágan veahkaválddálašvuođaid. Dan oaivvilda dássearvu- ja vealaheameáittardeaddji Hanne Bjørstrum. Son gáibidage ahte boahtte jagi stádabušeahtas vuoruhit ruđa ráhkadahttit doaibmaplána mo eastadit veagalválddálašvuođa geavvamis lagas olbmuid gaskka sámi servvodagas.