NRK Meny
Normal

Edtjieh saemien nyjsenæjjide heevehtidh

Dihte vuesiehtimme "Biejjien niejth" maam Saemien Sijte, Snåasesne vuesehte, aalkoe boelhke daan iehkeds- tjåanghkose "Saemien nyjsenefaamoen" bijre.

Solens døtre

'Biejjien niejth' vuesiehtimme mij daelie Saemien Sijtesne, Snåasesne.

Foto: Ristin Persson / NRK

«Biejjien niejth» ”Solens Døtre”, govhte eadtjohks saemien nyjsenæjjah Helgelaanteste guvviedamme. Saemien Sijte jih Gïelem Nastedh, Snåasesne, teema -iehkedem øørneminie gusnie edtjieh "Saemien nyjsenefaamoem " bijre soptsestalledh. Dellie sjeahta jih daam vuesiehtimmem voestegh vuejnedh, Hanne-Lena Wilkse, Gïelem Nastedh, bievnede.

– Biejjien niejth, vuesehte govhte væjkeles nyjsenæjjah. Gøøkte dejstie nyjsenæjjijste diekie båetiejægan, gåessie edtjebe jirreden nyjsenæjjan biejjiem heevehtidh.

Luste guessie åadtjebe Wilkse jeahta –Akte dejstie lea Ragnhild Sparrok Larsen, dihte edtja mijjese beabpmoe jurjiehtidh. Dihte mubpie lea Aina Daneborg Steinfjell, dihte edtja vætnoen bijre soptsestidh jih Maja Dunfjeld edtja tjaalehtjimmen bijre soptsestidh.

Guktie bist åadtjoen ålmah aaj dahka båatedh?

– Nov sån, åadtjede, Wilkse føørhkeste. Edtjebe nyjsenæjjan biejjiem heevehtidh, Wilkse jeahta.

Maarjan biejjie.

Jirreden, njoektjen 25 .b.dihte Maarjan biejjie. Maarjan biejjie akte mïerhkebiejjie saemien biejjie låhkosne. Daan biejjien miesie aaltoen tjåejjien sisnie jårra. Maarjan biejjie aaj dihte biejjie gosse eengkele Gabrijele niejte Maarjan gåajka bøøti jih saarnoeji dihte nåajsan lij, Jeesusinie. Biejjiem aaj heevehtieh goh "Vaffelebiejjie" jih "Vårfrue-biejjie."